गजल - नजाउ

गजल
नजाउ –
प्रज्वल पौडेल “पि स्क्वाएर”
दुइ आत्माको मिलन हाम्रो छुटाएर नजाउ
पवित्र यो सम्बन्धलाइ टुटाएर नजाउ ।

शब्द शब्दमा अविरल बग्छ मायाको छाल
मधुर तिम्रो बचनले कुटाएर नजाउ ।।

अस्मिताको सवाल छ यहाँ नारी होस् या पुरुष
सुनकोशीको बगरमा लुटाएर नजाउ ।

भगवानले मेरो लागी नै पठाइदिए तिमी
आउ, अनायसै शत्रुता जुटाएर नजाउ ।।

स्मृतिमा कोरेका सपना पुरा गरौ मिलेर
कोमल मुटु सिसासरी फुटाएर नजाउ
पवित्र यो सम्बन्धलाइ टुटाएर नजाउ ।।।
सैपु ७, रामेछाप
हाल रेडियो रामेछाप ९५.८ मेगाहर्जमा कार्यरत